Svanurinn
- hjordis15
- 4 days ago
- 2 min read
Í Gladsaxe í Danmörku stendur byggingin Svanurinn (dk. Svanen) sem fyrirmynd þess hvað hringrásarhugsun getur náð langt byggingargeiranum. Byggingin er hönnuð af Lendager og er fyrsta Svansvottaða leikskólabygging í heiminum ásamt því að vera frábært dæmi um hversu langt má ganga í endurnýtingu og endurnotkun. Með því að nýta og endurvinna efni úr gamla Gladsaxe-skólanum tókst að minnka byggingarúrgang um 66% og koma í veg fyrir losun á 1,8 tonnum af CO₂.
Verkefnið hófst með nákvæmri kortlagningu efna áður en niðurrif fór fram. Við niðurrifið voru byggingarefni vandlega flokkuð, skráð og undirbúin til endurnýtingar. Múrsteinar, þakflísar, klæðning, mulið steinsteypuefni, stálsmíði, sperrur úr viði og aðrir burðahlutar fengu nýtt hlutverk í leikskólanum. Þessi nálgun dró úr þörf fyrir ný hráefni og hélt jafnframt í fagurfræðilegt og menningarlegt gildi eldri byggingarinnar.
Það sem gerir bygginguna Svaninn sérstakan er hvernig söguleg byggingarefni eru felld inn í nútímalega hönnun. Stálklæðning frá sjöunda áratugnum, sperrur úr viði og endurunnar þakflísar gegna ekki aðeins hlutverki sem byggingarefni, heldur bera einnig með sér sögu gamla skólans. Í hjarta hússins er sólstofa þar sem klukkan af skólalóð gamla skólans slær og gamla stjörnuathugunarrýminu hefur verið breytt í leikherbergi.
Verkefnið er afrakstur náins samstarfs allra aðila, meðal annars Gladsaxe-bæjar, eigendur byggingarinnar, verktaka og ráðgjafa verkefnisins. Verkefnið var vottað af Svaninum og hefur hlotið viðurkenningu frá dönsku byggingarsamtökunum (DI Byggeri) sem fyrirmyndarverkefni í hringrásarhugsun.
Af verkefninu má draga víðtækan lærdóm, þar á meðal:
Kortlagning efna og endurnotkunaráætlanir geta afhjúpað verðmæt endurnýtingartækifæri.
Samvinna allra aðila, allt frá sveitarfélögum til verktaka og ráðgjafa, er lykilatriði til að samræma umhverfismarkmið og framkvæmd.
Hringrásarlausnir eru mögulegar á stærri skala.
Lesið meira á eftirfarandi vefsíðum:
Comments