Til þess að geta talað um hringrásarsmíði, þarf að skilgreina hvað hringrásarbygging er, sérstaklega þar sem slík skilgreining er lagalega ekki til. Þess vegna var eftirfarandi skilgreining búin til í CIRCON verkefninu:
Hringrásarbygging er bygging sem í gegnum lífsferil sinn eyðir ekki óendurnýjanlegum auðlindum jarðar og rýrar ekki vistkerfið.
Til að ná þessu markmiði ætti byggingin að:
vera hönnuð, notuð, og tekin í sundur samkvæmt ofangreindri meginreglu;
vera eingöngu búin til úr efnum sem voru þegar í notkun;
vera orkusparandi á byggingar- og notkunarfösum, og nota endurnýjanlega orku sem sem eyðir ekki óendurnýjanlegum auðlindum jarðar yfir allan lífsferil hennar;
lágmarka myndun úrgangs á byggingar- og notkunarfösum;
gera ráð fyrir sveigjanlegri notkun og stækkun;
vera endurnotanleg í heild sinni, í hlutum, eða sem einstök efni.
Að reisa 100% hringrásarbyggingu er mjög erfitt og beinlínis ómögulegt í ljósi núverandi ástands byggingariðnaðarins. Engu að síður ættu markmiðin sem sett eru fram í ofangreindri skilgreiningu að leiða þær aðgerðir sem gripið er til í gegnum líftíma byggingarinnar.
Eins og er, er engin stöðluð leið til að mæla hringrásarbyggingu eða þætti hennar. Mögulegar leiðir til að meta hringrás byggingar/ verkefnis er að finna í norrænu skýrslunni um mælikvarða fyrir hringrás: Nordic Report on Metrics for circularity. Dæmi um aðferð til að meta hringleika er The Circularity Index Tool sem nær yfir ávinning af langlífi, endurvinnslu og hönnun fyrir sundurtekt.
Comments